פָּרָשַׁת הַאֲזִינוּ – יום 6

דברים: ל״ב 40-43

כִּֽי־אֶשָּׂ֥א אֶל־שָׁמַ֖יִם יָדִ֑י         וְאָמַ֕רְתִּי חַ֥י אָנֹכִ֖י לְעֹלָֽם׃

אִם־שַׁנּוֹתִי֙ בְּרַ֣ק חַרְבִּ֔י         וְתֹאחֵ֥ז בְּמִשְׁפָּ֖ט יָדִ֑י אָשִׁ֤יב נָקָם֙ לְצָרָ֔י         וְלִמְשַׂנְאַ֖י אֲשַׁלֵּֽם׃

אַשְׁכִּ֤יר חִצַּי֙ מִדָּ֔ם         וְחַרְבִּ֖י תֹּאכַ֣ל בָּשָׂ֑ר מִדַּ֤ם חָלָל֙ וְשִׁבְיָ֔ה         מֵרֹ֖אשׁ פַּרְע֥וֹת אוֹיֵֽב׃

הַרְנִ֤ינוּ גוֹיִם֙ עַמּ֔וֹ         כִּ֥י דַם־עֲבָדָ֖יו יִקּ֑וֹם וְנָקָם֙ יָשִׁ֣יב לְצָרָ֔יו         וְכִפֶּ֥ר אַדְמָת֖וֹ עַמּֽוֹ׃ {פ}